Në një botë, ku me qindra mijëra veshje prodhohen çdo ditë, Muza Competition lindi si një dëshirë për të theksuar talentin e të rinjve shqiptarë në konceptimin, dizenjimin dhe realizimin e veshjeve moderne, për të risjellë vlerat e kostumeve tona të mrekullueshme tradicionale, të punuara nga artizanet shqiptare duararta, e pse jo me qëllimin e krijimit të një rrjeti të madh bashkëpunëtorësh, për të shkuar drejt një trendi të bukur në fushën e modës shqiptare.

Në programet e mia televizive ndër vite, gjithmonë ka pasur një hapësirë të rëndësishme për të rinjtë, për idetë e tyre origjinale, siç ka pasur për modën, stilin bashkëkohor të të veshurit, e po kështu për veshjet tona tradicionale, si një vlerë e çmuar të cilën ne shqiptarët duhet ta ruajmë fort. Shqiptarët e talentuar kudo ku janë, Shqipëri, Kosovë, Maqedoni e Veriut, Mal i Zi, kudo në rajon dhe jo vetëm, kanë qenë gjithmonë një motivim me historitë dhe shembujt e tyre në intervistat e mia ndër vite.

Dhe ndodhi pikërisht në një nga ato takimet e këndshme me Andriola Kambon, ose Andriolën e “Unionit”, siç e njohin të gjithë, ku bisedat frymëzuese me një filxhan kafeje përpara, të lindnin e të formëzonin idenë e realizimit të kësaj gare artistike, një projekt, sa i bukur e entuziazmues po aq edhe sfidues njëkohësisht.

Në momentin që shkruaj këto rreshta, është vetëm fillimi i kësaj iniciative gjithëpërfshirëse të shqiptarëve të rajonit dhe jam e bindur që më e mira do të bëhet, duke krijuar një ngjarje, efektet e së cilës të mos jenë thjesht gjurmë të bukura në kujtesën tonë, por të shërbejë edhe si një shtysë e rëndësishme për të mbajtur të freskët muzën artistike të dizenjuesve të rinj, artizanëve shqiptarë dhe sipërmarrësve të fushës së modës.

Projekti “MUZA COMPETITION” erdhi nga dy vajza, edhe pse nëse hulumtoni në internet muza në vetvete nënkupton nëntë perëndesha të lashta si frymëzim i mitologjisë greke.

Në fakt tek takoheshim disa herë për kafe me mikeshën time Rudina Magjistarin kishim shkëmbyer idetë për realizimin e një projekti rinor sa modern dhe tradicional në fushën e dizenjimit. Këtë herë të gjitha mendjet “youth” do të jenë pjesë këtij kompeticioni që mbart vlerat e kostumografisë dhe detajeve artizanale shqiptare.

Tirana Kryeqyteti Europian i Rinisë 2022 do të jetë edhe si stimul për të shfaqur më të mirën. Secili prej jush, referuar rregullave të formularit të mëposhtëm, është i mirëpritur të aplikojë në “muzën e frymëzimit”.

Në një botë, ku me qindra mijëra veshje prodhohen çdo ditë, Muza Competition lindi si një dëshirë për të theksuar talentin e të rinjve shqiptarë në konceptimin, dizenjimin dhe realizimin e veshjeve moderne, për të risjellë vlerat e kostumeve tona të mrekullueshme tradicionale, të punuara nga artizanet shqiptare duararta, e pse jo me qëllimin e krijimit të një rrjeti të madh bashkëpunëtorësh, për të shkuar drejt një trendi të bukur në fushën e modës shqiptare.

Në programet e mia televizive ndër vite, gjithmonë ka pasur një hapësirë të rëndësishme për të rinjtë, për idetë e tyre origjinale, siç ka pasur për modën, stilin bashkëkohor të të veshurit, e po kështu për veshjet tona tradicionale, si një vlerë e çmuar të cilën ne shqiptarët duhet ta ruajmë fort. Shqiptarët e talentuar kudo ku janë, Shqipëri, Kosovë, Maqedoni e Veriut, Mal i Zi, kudo në rajon dhe jo vetëm, kanë qenë gjithmonë një motivim me historitë dhe shembujt e tyre në intervistat e mia ndër vite.

Dhe ndodhi pikërisht në një nga ato takimet e këndshme me Andriola Kambon, ose Andriolën e “Unionit”, siç e njohin të gjithë, ku bisedat frymëzuese me një filxhan kafeje përpara, të lindnin e të formëzonin idenë e realizimit të kësaj gare artistike, një projekt, sa i bukur e entuziazmues po aq edhe sfidues njëkohësisht.

Në momentin që shkruaj këto rreshta, është vetëm fillimi i kësaj iniciative gjithëpërfshirëse të shqiptarëve të rajonit dhe jam e bindur që më e mira do të bëhet, duke krijuar një ngjarje, efektet e së cilës të mos jenë thjesht gjurmë të bukura në kujtesën tonë, por të shërbejë edhe si një shtysë e rëndësishme për të mbajtur të freskët muzën artistike të dizenjuesve të rinj, artizanëve shqiptarë dhe sipërmarrësve të fushës së modës.

Projekti “MUZA COMPETITION” erdhi nga dy vajza, edhe pse nëse hulumtoni në internet muza në vetvete nënkupton nëntë perëndesha të lashta si frymëzim i mitologjisë greke.

Në fakt tek takoheshim disa herë për kafe me mikeshën time Rudina Magjistarin kishim shkëmbyer idetë për realizimin e një projekti rinor sa modern dhe tradicional në fushën e dizenjimit. Këtë herë të gjitha mendjet “youth” do të jenë pjesë këtij kompeticioni që mbart vlerat e kostumografisë dhe detajeve artizanale shqiptare.

Tirana Kryeqyteti Europian i Rinisë 2022 do të jetë edhe si stimul për të shfaqur më të mirën. Secili prej jush, referuar rregullave të formularit të mëposhtëm, është i mirëpritur të aplikojë në “muzën e frymëzimit”.